दुसऱ्याही दिवशी एक ही उमेदवाराचा उमेदवारी अर्ज नाही दाखल...
मंगळवेढा /प्रतिनिधी :-
मंगळवेढा तालूक्यातील जिल्हा परिषद व पंचायत समिती पंचवार्षिक निवडणूकीची निवडणूक आयोगाने नुकतीच घोषणा केली असल्याने दि.१६ पासून उमेदवारी अर्ज भरण्यास प्रारंभ झाला असून पहिल्या दिवशी जिल्हा परिषद साठी ३२ व पंचायत समिती साठी १५ नामनिर्देशन पत्रांची विक्री व आज दुसऱ्या दिवशी जिल्हा परिषद साठी १४ व पचायत समिती साठी २१ नामनिर्देशन पत्रांची विक्री झाली असल्याची माहिती सहाय्यक निवडणूक निर्णय अधिकारी मदन जाधव यांनी दिली.
निवडणूक आयोगाने घोषीत केलेल्या नियमाप्रमाणे दि.१६ पासून उमेदवारी अर्ज भरण्यास प्रारंभ झाला आहे. पहिल्या दिवशी व दुसऱ्या दिवशी असे दिनांक- १६ व १७ /०१/२०२६ रोजी या दोन दिवसांत एकूण जिल्हा परिषद गटासाठी ४६ तर पंचायत समिती गणासाठी ३६ एकूण ८२ नामनिर्देशन पत्रांची विक्री झाली आहे.
मात्र दुसऱ्याही दिवशी एक ही उमेदवाराने आपला अर्ज दाखल केला नाही. या निवडणूक रिंगणात कोण कोण अर्ज भरणार याकडे तालुक्यातील तमाम मतदारांचे लक्ष लागून राहिले आहे.
उमेदवारी अर्ज भरण्याचा नामनिर्देन फॉर्म घेण्यासाठी उमेदवारांनी पंचायत समितीत मोठी गर्दी केल्याचे चित्र होते.
