मंगळवेढा/ सचिन हेंबाडे :-
नगरपालिकेचे आरक्षण सर्वसाधारण महिलेसाठी आरक्षित आहे गेली पाच वर्ष अरुणा माळी या महिलेच्या हातात कारभार होता. आता पुन्हा महिलेच्याच हातात शहराच्या कारभाराची चावी गेल्यामुळे पुरुषांना थांबावे लागणार आहे.
भारतीय जनता पार्टीचे जिल्हाध्यक्ष शशिकांत चव्हाण यांनी पत्रकारांनी विचारलेल्या प्रश्नावर उत्तर देताना अजित जगताप हे राष्ट्रवादीचे नेते आहेत त्यामुळे नगराध्यक्ष हा भाजप पक्षाचा होणार असा विश्वास व्यक्त करत, प्रा.सुप्रिया जगताप व प्रा.तेजस्विनी कदम यांच्या नावाची चर्चा असून आज पर्यंत मंगळवेढा नगरपरिषद भारतीय जनता पार्टीच्या कमळ या चिन्हावरती दोन वेळा नगराध्यक्ष पदाचा उमेदवार उभा केला होता.
गेल्या वेळी उमेदवाराला 1200 मतांनी आम्हाला पराभव स्वीकारावा लागला त्यामध्ये आमच्या अंतर्गत रचना चुकत असल्यामुळे व त्यावेळी आमदार समाधान आवताडे हे भारतीय जनता पार्टीमध्ये नव्हते आज ते भाजपचे आमदार असल्यामुळे भाजपची ताकत शंभर टक्क्यांनी वाढली आहे.
भारतीय जनता पार्टी मंगळवेढा म्हणून लोकसभा,विधानसभा या सर्व निवडणुकीमध्ये कायम आम्ही भारतीय जनता पार्टी म्हणून 4 ते 5 हजार मतांनी आघाडीवर आहोत आणि या वेळेलाही भारतीय जनता पार्टीचा नगराध्यक्ष होणारच असा विश्वास भारतीय जनता पार्टी सोलापूर जिल्हाध्यक्ष शशिकांत चव्हाण यांनी केला.
अशा परिस्थितीत सध्या भारतीय जनता पार्टीकडून प्रा. तेजस्विनी कदम यांनी पक्षाकडे उमेदवारी मागितल्याची चर्चा आहे. त्यांच्या कुटुंबाचे राजकीय वजन आहे.शिवाय प्रा.तेजस्विनी कदम यांच्या माहेरला मोठा राजकीय वारसा आहे. मंगळवेढा शहरात त्यांनी साहित्य, कला, सांस्कृतिक या क्षेत्रात मोठ्या प्रमाणात योगदान दिल्यामुळे साहजिकच थेट नगराध्यक्षपदाची उमेदवारी त्यांनी मागितली असून भाजप पक्षाकडून प्रा.तेजस्विनी कदम यांचेच नाव आघाडीवर आहे.
