आमदार समाधान आवताडे यांच्या हस्ते नवीन रुग्णवाहिकांचे लोकार्पण
मंगळवेढा /प्रतिनिधी :-
मंगळवेढा,आंधळगाव ,मरवडे सलगर बुद्रुक, बोराळे ,भोसे या प्राथमिक आरोग्य केंद्र अंतर्गत व उपकेंद्र अंतर्गत येणाऱ्या रुग्णाला तातडीने वैद्यकीय सुविधा मिळावी म्हणून शासनाने 108 या क्रमांकावर फोन केल्यास रुग्णवाहीका रुग्णापर्यंत येऊन दवाखान्यात उपचारासाठी दाखल करत असते.
या सुविधेमुळे आतापर्यंत ग्रामीण भागातील अनेकांचे प्राण वाचलेले आहेत अशा परिस्थितीमध्ये रुग्णालयाकडे असलेल्या रुग्णवाहिका खराब झाल्या होत्या त्यामुळे रुग्णांना वेळेवर उपचार मिळत नव्हते रुग्णांना खाजगी वाहनाचा आधार घ्यावा लागत होता.
अशा परिस्थितीमध्ये आमदार समाधान आवताडे यांनी प्रयत्न करून या अगोदर भोसे व आंधळगाव या प्राथमिक आरोग्य केंद्रांना रुग्णवाहिका उपलब्ध करून दिल्या होत्या त्यानंतर आता मरवडे बोराळे सलगर या आरोग्य केंद्रांना ही नवीन रुग्णवाहिका उपलब्ध झाल्यामुळे उपचाराविना रुग्णाला रस्त्यावर पडून राहावे लागणार नाही.
सध्या नागपूर ते रत्नागिरी महामार्गाचे काम पूर्ण झाले आहे तर पंढरपूर ते विजापूर या महामार्गांच्या कामामुळे शहरातील वाहतूक वेगवान झाले आहे शिवाय या रस्त्यावरून दुचाकी भरधाव वेगाने वाहनांची संख्या देखील वाढली आहे .
अशा परिस्थितीत एखादा अनर्थ घडला तर रुग्णाला तातडीने उपचारासाठी दाखल करणे गरजेचे असते रुग्णवाहिकांची कमतरता असल्यामुळे ग्रामीण भागातील व अचानक एखादा प्रसंग घडल्यावर रुग्णाला खाजगी वाहनांचा आधार घ्यावा लागत होता खासगी वाहनातून भाड्यापोटी रुग्णाला आर्थिक नुकसान मोठ्या प्रमाणात सहन करावे लागत असे त्यामुळे शासनाच्या अत्याधुनिक रुग्णवाहिकांची येथील प्राथमिक आरोग्य केंद्रांना आवश्यकता होती.
त्यानुसार आमदार समाधान आवताडे यांच्या प्रयत्नातून आणखी तीन आरोग्य केंद्रांना रुग्णवाहिका मिळाल्यामुळे अपघातग्रस्त रुग्णांना तात्काळ मदत मिळण्याचा मार्ग सोपा झाला आहे.
चौकट
●रुग्णवाहिका चालकांना 21 महिन्यापासून पगार नाही
रुग्णवाहिकेवर काम करणाऱ्या रुग्णवाहिका चालकांना 21 महिन्यापासून पगार नसल्याची खंत एका चालकाने आमदार आवताडे यांच्या समोर बोलून दाखवली, त्यावेळी त्यांनी मुख्य कार्यकारी अधिकारी यांना संपर्क साधून चालकांच्या रखडलेल्या पगारावर तात्काळ मार्ग काढून त्यांचा प्रश्न निकाली काढण्याच्या सूचना दिल्या
